திருமழிசை, திருமழிசை ஜெகந்நாத பெருமாள் கோவிலில், ஆனி பிரம்மோத்சவ திருவிழா, வரும் 4ம் தேதி கொடியேற்றத்துடன் துவங்குகிறது.

திருவள்ளூர் மாவட்டம் திருமழிசையில் ஜெகந்நாத பெருமாள் கோவில் அமைந்துள்ளது. இந்தாண்டிற்கான ஆனி பிரம்மோத்சவ திருவிழா, வரும் 4ம் தேதி கொடியேற்றத்துடன் துவங்குகிறது. காலை 6:00 - 7:30 மணிக்குள் கொடியேற்றம் நடைபெறும்.

பிரம்மோத்சவ நாளில், தினமும் காலை - மாலை 7:00 மணிக்கு, பல்வேறு வாகனங்களில் சுவாமி வீதியுலா நடைபெறும். விழாவின் முக்கிய நிகழ்ச்சியான கருட சேவை, வரும் 6ம் தேதி காலையிலும், தேர்த்திருவிழா 10ம் தேதி காலையிலும் நடைபெறும்.

வரும் 12ம் தேதி மாலை கொடியிறக்கத்துடன், ஆனி பிரம்மோத்சவ திருவிழா நிறைவு பெறும்.