'திருவள்ளூரையும் இணைத்தால் நல்லது'

திருவள்ளூர் ரயில் பயணியர் சங்கத்தின் செயலர் பாஸ்கர் கூறியதாவது: புறநகர் பகுதிகளில் மக்கள் தொகையும், குடியிருப்புகளும் பல மடங்கு அதிகரித்துள்ளன. ஆவடி - ஸ்ரீபெரும்புதுார் - கூடுவாஞ்சேரி புதிய ரயில் பாதை திட்டம், சென்னை மற்றும் புறநகர் பகுதி குடியிருப்புகள் மற்றும் தொழிற்சாலைகளை இணைக்க முக்கியமானது. இனியும் தாமதம் செய்யக்கூடாது. மாநில அரசு உதவியுடன் போதுமான நிலத்தை கையகப்படுத்தி, இத்திட்டத்தை விரைவுப்படுத்த ரயில்வே நடவடிக்கை எடுக்கவேண்டும். இவ்வாறு அவர் கூறினார்.
திருநின்றவூர் ரயில் பயணியர்பொதுநல சங்க தலைவர் முருகையன் கூறியதாவது: முக்கிய பகுதிகளை இணைத்து புதிய ரயில் வழித்தடங்களை உருவாக்கினால் தான், சொந்த வாகனங்களின் பயன்பாடு குறைந்து, பொது போக்குவரத்து வசதியை மக்கள் பயன்படுத்துவர். ஆவடி - ஸ்ரீபெரும்புதுார் - கூடுவாஞ்சேரி புதிய ரயில் பாதை திட்டத்தில் திருவள்ளூரையும் இணைத்தால், மிகவும் பயனுள்ளதாக இருக்கும். மேலும், ஸ்ரீபெரும்புதுாரில் இருந்து பரந்துார் புதிய விமான நிலையம் மற்றும் காஞ்சிபுரத்தை இணைக்கும் வகையிலும், இந்த ரயில் பாதை திட்டத்தை விரைவுபடுத்த வேண்டும். இவ்வாறு அவர் கூறினார்.