சென்னை,

அம்மன் பிரதர்ஸ் கபடி கிளப் சார்பில், மாநில அளவிலான கபடி போட்டி, புதுக்கோட்டையில் நடந்தது. போட்டியில், காட்டாங்கொளத்துார் எஸ்.ஆர்.எம்., கல்லுாரி உட்பட ஏராளமான அணிகள் பங்கேற்றன.

காலிறுதியில், சென்னை எஸ்.ஆர்.எம்., 31 - 20 என்ற கணக்கில் திருச்சி மாவட்ட அணியையும், அரையிறுதியில், எஸ்.ஆர்.எம்., அணி, 31 - 12 என்ற கணக்கில் சி.வி.எஸ்., பவுண்டேசன் அணியையும் தோற்கடித்தன.

இறுதிப் போட்டியில், எஸ்.ஆர்.எம்., மற்றும் புதுக்கோட்டை மாவட்ட அணிகள் பலப்பரீட்சை நடத்தின. விறுவிறுப்பான இப்போட்டியில், 21 - 18 என்ற கணக்கில், எஸ்.ஆர்.எம்., அணி வெற்றி பெற்று முதலிடத்தை பிடித்தது. புதுக்கோட்டை மாவட்டம் சி.வி.எஸ்., பவுண்டேஷன், பெரும் மாநாடு அணிகள் அடுத்தடுத்த இடங்களை பிடித்து அசத்தின.