சென்னை: ஜி.எம்., செஸ் அகாடமி சார்பில், சிறுவர்களுக்கான மாநில அளவிலான செஸ் போட்டி, தாம்பரம் அடுத்த செம்பாக்கத்தில் உள்ள ஆல்பா சர்வதேச மற்றும் மெட்ரிக் பள்ளியில் நேற்று நடந்தது.

இப்போட்டியில், எட்டு, 10, 13, 25 வயதுக்கு உட்பட்ட பிரிவுகளில், தனித்தனியாக போட்டிகள் நடத்தப்பட்டன. இதில், சென்னை, திருவள்ளூர், காஞ்சிபுரம் உட்பட பல்வேறு மாவட்டங்களில் இருந்து, சிறுவர் - சிறுமியர் உட்பட 600 பேர் பங்கேற்று திறமையை வெளிப்படுத்தினர்.

'பிடே' விதிப்படி, 'சுவிஸ்' அடிப்படையில், ஏழு சுற்றுகள் வீதம் மாலை வரை போட்டிகள் நடந்தன. ஒவ்வொரு பிரிவிலும், முதல் 25 இடங்களை பிடித்த சிறுவர்களுக்கு பரிசுகள் வழங்கப்பட்டன.