திருவாலங்காடு: திருவாலங்காடு ஒன்றியம் பெரியகளக்காட்டூர் ஊராட்சிக்கு உட்பட்டது சின்னகளக்காட்டூர் கிராமம். இங்கு வள்ளுவன் தெருவில் 50 வீடுகளில் சேகரமாகும் கழிவுநீர் செல்ல, 2010ம் ஆண்டு கால்வாய் கட்டப்பட்டது.

தற்போது இந்த கால்வாயில் பல இடங்களில் சேதமடைந்தும் கழிவுநீர் தேங்கியும் துர்நாற்றம் வீசி வருகிறது. இதனால் பகுதிவாசிகள் நோய்த்தொற்று அபாயத்தில் சிக்கும் நிலை உள்ளதால் அச்சமடைந்து உள்ளனர். இந்நிலையில் சேதமடைந்த கால்வாயை ஒன்றிய நிர்வாகம் சீரமைத்து தர வேண்டும் என கோரிக்கை விடுக்கப்பட்டுள்ளது.