தமிழக அரசுக்கு கண்டனம்

திண்டுக்கல் மாவட்டம் வேடசந்துாரில் அர்ஜுன் சம்பத் கூறியதாவது: அக்.16ல் கோவையில் நடக்கவுள்ள மாநில செயற்குழு கூட்டத்தில் சட்டசபை தேர்தலில் போட்டியிடுவது, பணி துவக்குவது, ஓட்டு வங்கியை உருவாக்குவது குறித்தும் பிரசாரம் மேற்கொள்ளப்படும். அதேபோல் தேசிய ஜனநாயக கூட்டணியில் சேர்ந்து போட்டியிடுவது குறித்தும் முடிவு எடுக்கப்படும். திருப்பூர் பகுதியில் தசரா திருவிழா நடைபெறுவதற்கு, துர்கை சிலையை மண்டபத்தில் வைத்து கொண்டாடக் கூட இந்த அரசு தடை விதித்துள்ளது. மண்டபத்தை பூட்டி சாவி, சிலையையும் எடுத்துக்கொண்டு சென்று விட்டனர். தமிழக அரசின் இந்த செயலை வன்மையாக கண்டிக்கிறேன். நீதிமன்றத்தை அணுகி உள்ளோம். முறையான அனுமதி பெற்று, தமிழகம் முழுவதும் துர்கா பூஜை, நவராத்திரி வழிபாடு, தசரா வழிபாடு நடைபெறும் என்றார்.