தேனி: மாவட்டத்தில் 10ம் வகுப்பு, பிளஸ் 2 பொதுத்தேர்வில் 100 சதவீத தேர்ச்சி பெற்ற 24 அரசுப்பள்ளிகளுக்கு முதல்வர் விருது வழங்கப்பட உள்ளது.

சென்னையில் இன்று ஒவ்வொரு மாவட்டத்திலும் 100 சதவீத தேர்ச்சி பெற்ற அரசு உயர்நிலை, மேல்நிலைப்பள்ளி தலைமை ஆசிரியர்களுக்கு முதல்வர் விருது வழங்குகிறார்.

இதற்காக தேனி மாவட்டத்தில் இருந்து சி.இ.ஓ., இந்திராணி தலைமையில் டி.இ.ஓ.,க்கள், 24 பள்ளி தலைமையாசிரியர்கள் சென்னை செல்கின்றனர். இதில் மேலகூடலுார் ஆர்.எம்., கள்ளர் மேல்நிலைப்பள்ளி, வாய்க்கால்பாறை அரசு மேல்நிலைப்பள்ளிகள் 10ம் வகுப்பு, பிளஸ் 2 தேர்வு இரண்டிலும் 100 சதவீத தேர்ச்சி அடைந்துள்ளனர்.

பிளஸ் 2 தேர்வில் 100 சதவீத தேர்ச்சி பெற்ற கம்பம் உத்தமபுரம் அரசு கள்ளர் மேல்நிலைப்பள்ளி, க.புதுப்பட்டி கே.எல்.எஸ்.எஸ்., அரசு மேல்நிலைப்பள்ளி, போடி 7 வது வார்டு நகராட்சி மேல்நிலைப்பள்ளி, ஒக்கரைப்பட்டி அரசு மேல்நிலைப்பள்ளிகள்.

பத்தாம் வகுப்பு தேர்வில் 100 சதவீத தேர்ச்சி பெற்றுள்ள அரசுப்பள்ளிகள் குன்னுார் ஆதிதிராவிடர் மேல்நிலைப்பள்ளி, ஆசாரிபட்டி உயர்நிலைப்பள்ளி, ஸ்ரீரங்காபுரம் எஸ்.ஆர்.ஜி., அரசு உயர்நிலைப்பள்ளி, உ.அம்மாபட்டி அரசு உயர்நிலைப்பள்ளி, கே.லட்சுமிபுரம் அரசு உயர்நிலைப்பள்ளி, அம்மபுரம் அரசு உயர்நிலைப்பள்ளி, முருகமலைநகர் அரசு உயர்நிலைப்பள்ளி, தும்மகுண்டு அரசு உயர்நிலைப்பள்ளி, சீப்பாலக்கோட்டை அரசு உயர்நிலைப்பள்ளி, ஜி.உசிலம்பட்டி அரசு உயர்நிலைப்பள்ளி, மஞ்சளாறு அணை அரசு உயர்நிலைப்பள்ளிகள், காந்திநகர் அரசு உயர்நிலைப்பள்ளி, பூசனுாத்து அரசு உயர்நிலைப்பள்ளி, புலிக்குத்தி அரசு உயர்நிலைப்பள்ளி, ஹைவேவிஸ் அரசு மேல்நிலைப்பள்ளி, வெள்ளையம்மாள்புரம் அரசு கள்ளர் மேல்நிலைப்பள்ளி, முத்தையன் செட்டிபட்டி அரசு கள்ளர் மேல்நிலைப்பள்ளி தேர்வு பெற்றுள்ளன.