தேனி: தேனி பங்களாமேட்டில் சி.பி.எஸ்., ஒழிப்பு இயக்கம் சார்பில் பழைய ஓய்வூதிய திட்டத்தை அமல்படுத்த வேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டம் நடந்தது.

மாநில இணை ஒருங்கிணைப்பாளர் முகமது ஆசிக் தலைமை வகித்தார். மாவட்ட நிர்வாகிகள் விஸ்வநாதன், காமேஸ்வரன், அரசு ஊழியர்கள் சங்க மாநில நிர்வாகி சென்னமராஜ், மாவட்ட தலைவர் உடையாழி, நிர்வாகி முருகன் உள்ளிட்டோர் ஆர்ப்பாட்டத்தில் பங்கேற்றனர்.