சிவகங்கை, : சிவகங்கையில் நேற்றைய வாரச்சந்தையில் தக்காளி விலை சரிவை சந்தித்ததால் பெண்கள் அதிகளவில் வாங்கி சென்றனர்.

சிவகங்கை வாரச்சந்தையில் பல்வேறு பகுதிகளைச் சேர்ந்த நுாற்றுக்கும் மேற்பட்ட காய்கறி வியாபாரிகள் விற்பனையில் ஈடுபட்டு வருகின்றனர். ஆடி, ஆவணி மாதத்தில் வரத்து குறைவால் காய்கறி விலையில் சற்று ஏற்றம் காணப்பட்டது. தக்காளி கிலோ ரூ.50 முதல் 80 வரை விற்றது. நேற்றைய சந்தையில் வரத்து அதிகரிப்பால் தக்காளி விலை சரிவை சந்தித்தது.

தக்காளி கிலோ ரூ.25 ஆக குறைந்து விட்டது. பெண்கள் அதிகளவில் வாங்கி சென்றனர். தக்காளி கிலோ ரூ.25, சின்ன வெங்காயம் 70, உருளை 20, பீன்ஸ் 80, அவரை 45, பீட்ருட் 40, முட்டைக்கோஸ் 25, முள்ளங்கி 30, கத்தரி 40, சவ்சவ் 35, சுரைக்காய் 20, புடலை 25, கேரட் 50, பாகற்காய் 60, வெண்டைக்காய் 35.