திருப்புவனம் : மதுரையில் நடந்த 42 வது மூத்தோர் தடகளப்போட்டியில் திருப்புவனத்தைச் சேர்ந்த 74 வயது முதியவர் ராஜேந்திரன், தங்கம் மற்றும் வெண்கலம் பதக்கங்களை வென்றுள்ளார்.

மதுரை ஆயுதப்படை மைதானத்தில் மாநில அளவிலான 42வது மூத்தோர் தடகள போட்டி நடந்தது.

ஓட்டப்பந்தயம், தடை தாண்டுதல், நடைப்போட்டி, உயரம் தாண்டுதல் உள்ளிட்ட பல்வேறு விளையாட்டுகளில் ஆயிரத்திற்கும் மேற்பட்டோர் பங்கேற்றனர்.

இதில் திருப்புவனத்தைச் சேர்ந்த ராஜேந்திரன் 74, போல்வால்ட் (கம்பு ஊன்றி தாண்டுதல்) போட்டியில் தங்கப்பதக்கமும், தடை தாண்டி ஓடுதல் பிரிவில் வெண்கல பதக்கமும் பெற்றுள்ளார்.

இந்த வெற்றியின் மூலம் பெங்களுரூவில் நடைபெற உள்ள தேசிய அளவிலான போட்டிகளில் பங்கேற்க தேர்வாகி உள்ளார்.