மானாமதுரை, : சிவகங்கை சமஸ்தானம் தேவஸ்தான நிர்வாகத்துக்குட்பட்ட மானாமதுரை வீர அழகர் கோயிலில் ஆடி விழா கடந்த 13ம் தேதி கொடியேற்றத்துடன் துவங்கியது.

விழா நாட்களின் போது சுவாமி வீதி உலா நடைபெற்றது.நேற்று மாரியம்மன் கோவில் தெருவில் 24 மனை தெலுங்கு செட்டியார் மண்டகப்படிக்கு பல்லக்கில் வீரஅழகர் எழுந்தருளினார்.

திருக்கல்யாணம் இன்று மாலை 6:00 மணியிலிருந்து இரவு 7:35 மணிக்குள் நடைபெற உள்ளது. 21ம் தேதி மாலை 6:00 மணியிலிருந்து 6:30 மணிக்குள் தேரோட்டமும், 22ஆம் தேதி பட்டத்தரசி கிராம மண்டகப்படியில் தீர்த்தவாரி உற்ஸவ நிகழ்ச்சி நடைபெற உள்ளது.

ஏற்பாடுகளை தேவஸ்தான மேலாளர் இளங்கோ, கண்காணிப்பாளர் சீனிவாசன், அர்ச்சகர் கோபி மாதவன் (எ) முத்துச்சாமி செய்து வருகின்றனர்.