ஆத்துார்: ஆத்துார், மஞ்சினியில் உள்ள பால் உற்பத்தியாளர் கூட்டுறவு சங்-கத்தில், சேலம் மாவட்ட பால் வளத்துறை, துணைப்பதிவாளர் புவனேஸ்வரி, இரு நாட்களுக்கு முன் விசாரணை மேற்-கொண்டார். அதில் பணி நீக்கத்தில் உள்ள, சங்க முன்னாள் செயலர் கதிர்வேல், தலைவி வளர்மதி, குழு உறுப்பினர்கள், 1.97 கோடி ரூபாய்க்கு மேல் முறைகேட்டில் ஈடுபட்டது தெரிந்தது.

பால் கொள்முதலில் முறைகேடு செய்து பணப்பட்டுவாடா செய்-ததில் நிதி இழப்பு, கூட்டுறவு சங்கத்துக்கு நிதியிழப்பு, பால் ஊற்-றாதவர்கள் பெயரில் பணம் எடுத்தது போன்ற முறைகேடு தொடர்பாக, வளர்மதி, கதிர்வேல் உள்ளிட்டோர் நிதி இழப்பு ஏற்-படுத்தியதால், தண்ட தீர்வை நடவடிக்கை மூலம் வசூல் செய்ய, 20 பேருக்கு, 'நோட்டீஸ்' வழங்கினர். இருப்பினும் முறைகேடு குறித்து தொடர்ந்து விசாரணை செய்வதாக, பால் வளத்துறை அலுவலர்கள் தெரிவித்தனர்.