கணினி அறிவியல் படிக்க முடிவு செய்துள்ளேன். படிக்கும்போது கற்க வேண்டியவை, 'கேட்' தேர்வுக்கு தயாராவதால் கிடைக்கும் பலன், வேலைவாய்ப்பு திறன் அதிகரிக்க செய்ய வேண்டியவை என ஏராளமான தகவல்கள், இந்த வழிகாட்டியில் கிடைத்தன.ஆர்.இனியா, பனமரத்துப்பட்டி

என் மகன் ரமணனுடன், இந்நிகழ்ச்சியில் பங்கேற்றேன். கவுன்சிலிங் நடைமுறைகள் குறித்து தெளிவாக விளக்கம் அளிக்கப்பட்டன. இதனால் அதுகுறித்த சந்தேகம், பதற்றம் காணாமல் போய்விட்டது. மாணவர்களை விடவும், பெற்றோருக்கு உதவியாக இருந்தது. கே.பழனிவேல், சேலம்

அஸ்வின் கூறிய கருத்துகள் அருமை. கணினி அறிவியல் அல்லது இ.சி.இ., எடுத்து படிக்க முடிவு செய்துள்ளேன். இன்ஜினியரிங் படிக்கும்போது, என்னென்ன செய்யக்கூடாது என்றும், என்ன செய்ய வேண்டும் என்பதை தெரிந்து கொண்டேன்.எஸ்.ஸ்ரீகிருஷ்ணா, குகை, சேலம்.

கவுன்சிலிங்கில் பங்கேற்பது குறித்து மாணவர்களை விட, பெற்றோருக்கு பதற்றம் உள்ளது. ஏதும் தவறு செய்து குழந்தை எதிர்காலம் பாதிக்கப்படுமோ என்ற அச்சம் இருந்தது. அதை சுத்தமாக போக்கிவிட்டது இந்நிகழ்ச்சி.ஆர்.சத்யா, பனமரத்துப்பட்டி.

இப்போதுதான் பிளஸ் 2 படிக்கிறேன். இன்ஜினியரிங் படிக்க போவதை முடிவு செய்ததால், இந்நிகழ்ச்சிக்கு வந்தேன். 'கட் - ஆப்' மதிப்பெண் எவ்வளவு, முக்கியம் என்பதை, இந்நிகழ்ச்சி உணர்த்தியது. அடுத்த ஆண்டு நடக்கும் நிகழ்ச்சியிலும் பங்கேற்பேன்.எஸ்.டி.அர்ஜூன், சேலம்,