இடைப்பாடி, கொங்கணாபுரம், கூட்டுறவு விற்பனை சங்கத்தில் நேற்று ரூ.4.10 லட்சத்துக்கு கொப்பரை தேங்காய் விற்பனையானது.

திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், கொங்கணாபுரம் கிளையில் நேற்று கொப்பரை தேங்காய் ஏலம் நடந்தது.

51 மூட்டை வரத்தானது. முதல் தரம் தேங்காய் பருப்பு ஒரு கிலோ, 195 முதல் 210 ரூபாய் வரையும், இரண்டாம் தரம் தேங்காய் பருப்பு ஒரு கிலோ, 158 முதல் 170.55 ரூபாய் வரை விற்றது. மொத்தம், 4 லட்சத்து, 10 ஆயிரம் ரூபாய்க்கு விற்பனையானது.