சங்ககிரி, நாமக்கல் மாவட்டம் குமாரபாளையம், எலந்தகுட்டை அருகே ரங்கனுாரை சேர்ந்தவர் பாலமுருகன், 32. சங்ககிரி பழைய பஸ் ஸ்டாண்ட் அருகே கோழிக்கறிக்கடை நடத்துகிறார். இவரிடம், சங்ககிரி, கொங்கணாபுரம் பிரிவு அருகே ஓட்டல் நடத்தும் மல்லாகவுண்டர், தினமும் கறி வாங்கி செல்வார். கடந்த, 24ல், 9 கிலோ கறியை கடனாக வாங்கினார்.

அத்தொகையை, ஓட்டலுக்கு சென்று, பாலமுருகன் கேட்டார். அப்போது வாக்குவாதம் ஏற்பட்டதில், மல்லாகவுண்டர், அங்கு பணிபுரியும் ஊழியர்கள் என, 4 பேர், பாலமுருகனை தாக்கினர். காயம் அடைந்த அவர், சங்ககிரி அரசு மருத்துவமனையில் அனுமதிக்கப்பட்டார். அவர் புகார்படி, மல்லாகவுண்டர் உள்பட, 4 பேர் மீது சங்ககிரி போலீசார் வழக்குப்பதிந்து விசாரிக்கின்றனர்.