மேட்டூர்:கேரளாவின் வயநாடு மாவட்டம், கர்நாடகாவின் குடகு மாவட்டங்களில் பெய்யும் மழையால் கபினி, கே.ஆர்.எஸ்., அணைகளின் நீர்வரத்து அதிகரிக்கிறது. கபினி, கே.ஆர்.எஸ்., அணைகளின் மொத்த நீர் இருப்பு முறையே, 19.5, 49.5 டி.எம்.சி.,

காவிரி அதன் துணை ஆறுகளின் நீர்பரப்பு பகுதிகளில் நேற்று முன்தினம் பருவ மழை தீவிரம் குறைந்தது. அதற்கேற்ப கடந்த, 29ல், 20,113 கனஅடியாக இருந்த கபினி நீர்வரத்து நேற்று, 11,000 கனஅடியாகவும், அதே நாளில் வினாடிக்கு, 13,437 கனஅடியாக இருந்த கே.ஆர்.எஸ்., நீர்வரத்து நேற்று, 8,000 கனஅடியாகவும் சரிந்தது.

நேற்று முன்தினம் வினாடிக்கு, 1,038 கனஅடியாக இருந்த மேட்டூர் அணை நீர்வரத்து நேற்று, 876 கனஅடியாக சரிந்தது. அதேபோல், 11.95 டி.எம்.சி.,யாக இருந்த மேட்டூர் அணை நீர்இருப்பு நேற்று, 11.93 டி.எம்.சி.,யாக சரிந்தது.கர்நாடகாவின் கபினி அணை நிரம்ப இன்னும், 3.5 டி.எம்.சி., மட்டும் தேவை என்பதால் அங்கு எந்த நேரமும் உபரிநீர் திறக்கக்கூடும். அதற்கேற்ப மேட்டூர் அணை நீர்வரத்து அதிகரிக்க வாய்ப்புள்ளது.