வீரபாண்டி: ஆக., 16க்குள், காரீப் பருவ பயிர்களுக்கு விவசாயிகள் காப்பீடு செய்ய அழைப்பு விடுக்கப்பட்டுள்ளது.

இதுகுறித்து வீரபாண்டி வட்டார வேளாண் துறை உதவி இயக்-குனர் கார்த்திகாயினி அறிக்கை:

எதிர்பாரத இயற்கை இடர்பாடுகளால் விவசாயிகளுக்கு இழப்பு ஏற்படுவதை தடுக்க, நிலையான வருமானம் கிடைக்க, பிரதம மந்திரி பயிர் காப்பீடு திட்டம் செயல்படுத்தப்படுகிறது. வீர-பாண்டி வட்டாரத்தில் தற்போது பயிரிடப்பட்டுள்ள, 'காரீப்' பருவ பயிர்களான சோளம், நிலக்கடலை பயிர்களுக்கு ஆக., 16க்குள், சோளம் ஏக்கருக்கு, 194 ரூபாய், நிலக்கடலை ஏக்க-ருக்கு, 421 ரூபாய் பிரீமிய தொகையை செலுத்தி பயிர் காப்பீடு செய்து கொள்ள வேண்டும். இதற்கு அருகே உள்ள தொடக்க வேளாண் கூட்டுறவு சங்க வங்கிகள், வணிக வங்கிகள், இ-சேவை மையங்களில் நில உரிமை பட்டா, சிட்டா, அடங்கல், ஆதார் அட்டை, சேமிப்பு கணக்கு வங்கி புத்தகம் ஆகியவற்றின் நகலுடன் விண்ணப்பத்தை பூர்த்தி செய்து கொடுக்க வேண்டும். இதன்மூலம் இயற்கை இடர்பாடுகளால் விவசாயிகள் நஷ்டம் அடைவதை தடுக்கலாம்.