ராமநாதபுரம் : ராமநாதபுரம் கவரங்குளத்தை சேர்ந்தவர் காளிதாஸ் 28. தனியார் நிறுவனத்தில் ஜே.சி.பி., டிரைவராக பணிபுரிந்தார். மே 2024 கேணிக்கரையில் டூவீலரில் சென்ற போது விபத்தில் உயிரிழந்தார். பாரத ஸ்டேட் வங்கி ராமநாதபுரம் கிளையில் ஆண்டுக்கு ரூ.1000 செலுத்தி ரூ.20 லட்சத்திற்கு விபத்துக்காப்பீடு செய்திருந்தார்.

காப்பீட்டு தொகை ரூ.20 லட்சத்திற்கான காசோலையை பாரத ஸ்டேட் வங்கி மண்டல மேலாளர் ஸ்டான்லி ஜோன்ஸ், வங்கி முதன்மை மேலாளர் விஜிலன் ஆகியோர் காளிதாஸ் மனைவி சண்முகவள்ளியிடம் வழங்கினர்.

இந்நிகழ்ச்சியில் ராமநாதபுரம் கிளை மேலாளர் மங்கையர்கரசி, சீனியர் அசோசியேட் ராஜ்குமார், எஸ்.பி.ஐ., ஜெனரல் இன்சூரன்ஸ் மனோஜ்குமார் ஆகியோர் பங்கேற்றனர்.