ஆர்.எஸ்.மங்கலம்: ஆர்.எஸ்.மங்கலம் அரசு ஆண்கள் மேல்நிலைப்பள்ளி ஆண்டு விழா தலைமை ஆசிரியர் ராஜு தலைமையில் நடந்தது.

முன்னாள் மாணவர் சங்கத் தலைவர் சசிக்குமார், ஒருங்கிணைப்பாளர் அப்பாஸ் முன்னிலை வகித்தனர். முதுகலை கணினி ஆசிரியர் ராமகிருஷ்ணன் வரவேற்றார்.

விளையாட்டுப் போட்டிகளை பேரூராட்சி துணைத் தலைவர் ராசு, வார்டு கவுன்சிலர் வைரவன் துவக்கி வைத்தனர். வெற்றி பெற்றவர்களுக்கு முன்னாள் மாணவர் சங்க நிர்வாகிகளின் பங்களிப்பில் பரிசுகள் வழங்கப்பட்டன.

கலை நிகழ்ச்சிகள் நடந்தன. முன்னாள் மாணவர் சங்க நிர்வாகிகள் கந்தசாமி, பகுர்தீன், ஜோதி, ஜெயக்குமார், அய்யூப் கான், பரக்கத்அலி உட்பட பலர் கலந்து கொண்டனர். ஆசிரியர் பாலபாரதி நன்றி கூறினார்.