முதுகுளத்துார்: முதுகுளத்துார் ஊராட்சி ஒன்றிய நடுநிலைப்பள்ளியில்​ துாரி, மேலச்சாக்குளம், ஏனாதி, முதுகுளத்துார் உட்பட பல்வேறு பகுதிகளில் இருந்து 350க்கும் மேற்பட்ட மாணவர்கள் படிக்கின்றனர். பள்ளி அருகே இரும்பு மின்கம்பம் சேதமடைந்து ஆபத்தான நிலையில் உள்ளது. உயரழுத்த மின் கம்பிகள் தாழ்வாக செல்கிறது.

கடந்த 7 நாட்களுக்கு முன்பு​பள்ளி அருகே உயரழுத்த மின்கம்பி அறுந்து விழுந்தது. அப்போது மாணவர்கள் யாரும் இல்லாததால் உயிர் சேதம் தவிர்க்கப்பட்டது.

இவ்வழியே செல்லும் மக்கள் அச்சத்துடன் செல்கின்றனர். எனவே மக்கள், மாணவர்களின் நலன் கருதி ஆபத்தான இரும்பு மின்கம்பத்தை மாற்ற மக்கள் கோரிக்கை விடுத்தனர்.