'பிரிக்வெட்ஸ்' உருவாக்குவது எப்படி?

நீலகிரி வனப்பகுதியில், களைச் செடிகளை அகற்றும் இடத்தில், வாகனத்தில் பொருத்தப்பட்ட இயந்திரத்தை பயன்படுத்தி, அதனை சிறிய துண்டுகளாக மாற்றி, தொழிற்சாலைக்கு அனுப்பி வைக்கின்றனர். தொழிற்சாலையில் அதனை காயவைத்து, ஐந்து சதவீதம் ஈரப்பதத்துடன், மீண்டும் ஒரு இயந்திரத்தில் பயன்படுத்தி சிறிய துகள்களாக மாற்றி, மற்றொரு இயந்திரத்துக்கு மாற்றுகின்றனர். தொடர்ந்து, இயந்திரத்தில் உள்ள குழாயில் அதிக அழுத்தம் கொடுத்து, 'குழாய் புட்டு' போன்ற வடிவில், 'பிரிக்வெட்ஸ்' எரிபொருள் தயாரிக்கப்படுகிறது. வனத்துறை அதிகாரிகள் கூறுகையில், 'இங்கு தயாரிக்கப்படும் 'பிரிக்வெட்ஸ்' எரிபொருள், பழுப்பு நிலக்கரி போன்று நின்று எரியும் தன்மை உடையது. ஒரு கிலோவுக்கு, 4000 முதல் 5000 கலோரி கிடைக்கும். தேயிலை தொழிற்சாலையில் துாள் உற்பத்தி செய்ய, 1000 கிலோ விறகிற்கு மாற்றாக, 'பிரிக்வேட்ஸ்' 200 கிலோ பயன்படுத்தினால் போதும். இதனை அதிகளவில் உற்பத்தி செய்யும் பட்சத்தில் தொழிற்சாலைகளுக்கு அதிக லாபம் கிடைக்கும்,' என்றனர்.