குன்னுார்; தென் மாநிலங்களில் உள்ள, 4 ஏல மையங்களில் நடந்த தேயிலை ஏலங்களில், 33.84 கோடி ரூபாய் மொத்த வருமானம் கிடைத்தது.

குன்னுார் தேயிலை ஏல மையத்தில், கடந்த வாரம் நடந்த, 12வது ஏலத்தில், '9.62 லட்சம் கிலோ இலை ரகம்; 2.71 லட்சம் கிலோ டஸ்ட் ரகம்,' என, மொத்தம், 12.33 லட்சம் கிலோ ஏலத்திற்கு வந்தது.

அதில், '8.60 லட்சம் கிலோ இலை ரகம்; 2.54 லட்சம் கிலோ டஸ்ட் ரகம்,' என, மொத்தம், 11.15 லட்சம் கிலோ விற்பனையானது.

சராசரி விலை கிலோவிற்கு, 118.86 ரூபாய் என இருந்தது. சராசரி விலையில் ஒரு ரூபாய் வரை சரிந்தது. 1.18 லட்சம் கிலோ தேக்கமானது. மொத்த வருமானம், 13.25 கோடி ரூபாய் கிடைத்தது. ஒரே வாரத்தில், 1.48 கோடி ரூபாய் மொத்த வருமானம் குறைந்தது.

கூட்டுறவு தொழிற்சாலை துாள்

இதேபோல, நீலகிரி மாவட்ட கூட்டுறவு தொழிற்சாலைகளில் உற்பத்தி செய்யும் தேயிலை துாள் 'டீசர்வ்' மையத்தில் ஏலம் விடப்படும் நிலையில், 12வது ஏலத்திற்கு, 1.18 லட்சம் கிலோ விற்பனைக்கு வந்தது. 1.07 கிலோ விற்பனையானது. சராசரி விலை கிலோவிற்கு, 115.04 ரூபாயாக இருந்தது. கிலோவிற்கு, 2 ரூபாய் சரிந்தது. 1. 24 கோடி ரூபாய் மொத்த வருமானம் கிடைத்தது. கோவை ஏல மையத்தில் இந்த முறை, 4.30 லட்சம் கிலோ விற்பனைக்கு வந்ததில், 3.63 லட்சம் கிலோ விற்பனையானது. 5.16 கோடி ரூபாய் மொத்த வருமானம் கிடைத்தது. சராசரி விலை கிலோவிற்கு, 141.85 ரூபாய் என இருந்தது.

கேரள மாநிலம், கொச்சி ஏல மையத்தில், 9.12 லட்சம் கிலோ விற்பனைக்கு வந்ததில், 8.47 லட்சம் கிலோ விற்பனையானது. 14.19 கோடி ரூபாய் மொத்த வருமானம் கிடைத்தது. சராசரி விலை கிலோவிற்கு, 167.52 ரூபாய் என இருந்தது. தென் மாநிலங்களில் உள்ள, 4 ஏல மையங்களில் நடந்த தேயிலை ஏலங்களில், 33.84 கோடி ரூபாய் மொத்த வருமானம் கிடைத்தது.