குமாரபாளையம்,குமாரபாளையம், எதிர்மேடு பகுதியை சேர்ந்தவர் கோபாலகிருஷ்ணன், 29; லேத் தொழிலாளி. இவர், நேற்று முன்தினம் இரவு, சேலம்-கோவை புறவழிச்சாலை, ஜே.கே.கே., முனிராஜா கல்லுாரி அருகே சாலையை நடந்தபடி கடக்க முயன்றார்.

அப்போது அந்த வழியாக வந்த டூவீலர், அவர் மீது மோதியது. இதில், இருவரும் பலத்த காயமடைந்தனர். கோபாலகிருஷ்ணனை, ஈரோடு தனியார் மருத்துவமனையிலும்; விபத்துக்கு காரணமான, கோவை தனியார் கல்லுாரி மாணவர் நவீன், 22, கோவை தனியார் மருத்துவமனையிலும் சிகிச்சைக்கு சேர்க்கப்பட்டனர். குமாரபாளையம் போலீசார்

விசாரிக்கின்றனர்.