நாமக்கல் :நாமக்கல், திருநகரை சேர்ந்தவர் பழனிசாமி, 77; தொழில் அதிபர். இவர், 2024 ஜன., 31ல், வீட்டில் துாக்குமாட்டி தற்கொலை செய்து கொண்டார். இது தொடர்பாக, நாமக்கல் சி.பி.சி.ஐ.டி., போலீசார் வழக்குப்பதிவு செய்து, பழனிசாமியை தற்கொலைக்கு துாண்டியதாக, நாமக்கல்லை சேர்ந்த வக்கீல் ஆறுமுகம் உள்பட, நான்கு பேர் மீது வழக்குப்பதிவு செய்தனர்.

இதற்கிடையே, நேற்று முன்தினம் இரவு, வக்கீல் ஆறுமுகத்தை, 45, சி.பி.சி.ஐ.டி., போலீசார் கைது செய்தனர். அவரது கைதை கண்டித்தும், வக்கீல்களுக்கு பாதுகாப்பு வழங்கக்கோரியும், நாமக்கல் ஒருங்கிணைந்த நீதிமன்றம் முன், குற்றவியல் வக்கீல்கள் சங்கத்தினர், நேற்று ஆர்ப்பாட்டத்தில் ஈடுபட்டனர். ஆர்ப்பாட்டத்துக்கு சங்க செயலாளர் கணேசன் தலைமை வகித்தார். அதில், ஏராளமான வக்கீல்கள், தங்களது கோரிக்கைகளை வலியுறுத்தி கோஷம் எழுப்பினர்.