மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன் கிழமை பருத்தி ஏலம் நடக்கிறது.

அதன்படி, நேற்று நடந்த ஏலத்தில் சூரியகவுண்டம்பாளையம், மேல்முகம், பள்ளிப்பட்டி, கொளங்கொண்டை, திம்மிபாளையம், பருத்திப்பள்ளி, ராமாபுரம், மானுவங்காட்டுபாளையம், சின்னகாளிப்பட்டி, பீமரப்பட்டி, மங்களம், பள்ளக்குழி அக்ரஹாரம் உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 225 மூட்டை பருத்தியை விற்பனைக்கு கொண்டு வந்திருந்தனர்.

இதில், சுரபி ரகம், 6,500 ரூபாய் முதல், 8,112 ரூபாய், பி.டி., ரகம், 6,000 ரூபாய் முதல், 7,951 ரூபாய், கொட்டு பருத்தி, 4,119 ரூபாய் முதல், 5,079 ரூபாய் என, மொத்தம், 6.09 லட்சம் ரூபாய்க்கு பருத்தி ஏலம் நடந்தது. அடுத்த ஏலம் வரும், அக்., 10ல் நடக்கிறது.