மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் புதன்கிழமை தோறும் பருத்தி ஏலம் நடக்கிறது. அதன்படி, நேற்று நடந்த ஏலத்தில் மானுவங்காட்டுபாளையம், துத்திபாளையம், செண்பகமாதேவி, கூத்தாநத்தம், கருமனுார், ராமாபுரம், பருத்திப்பள்ளி, திம்மிபாளையம், கொளங்கொண்டை, சூரியகவுண்டம்பாளையம் உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 70 மூட்டை பருத்தியை விற்பனைக்கு கொண்டு வந்தனர்.

இதில், பி.டி., ரக பருத்தி குவிண்டால், 6,089 ரூபாய் முதல், 7,689 ரூபாய், கொட்டு பருத்தி, 3,609 ரூபாய் முதல், 5,009 ரூபாய் என, மொத்தம், 1.45 லட்சம் ரூபாய்க்கு ஏலம் நடந்தது. அடுத்த ஏலம் வரும், 28ல் நடக்கிறது.