நாமக்கல், 'நாமக்கல் மாவட்டத்தில், இன்று முதல், 6ம் தேதி வரை, நான்கு நாட்களுக்கு மிதமான மழை பெய்ய வாய்ப்பு உள்ளது' என, கால்நடை மருத்துவக் கல்லுாரி மற்றும் வானிலை ஆய்வு மையம் தெரிவித்துள்ளது.இதுகுறித்து, வெளியிட்ட செய்திக்குறிப்பு:

நாமக்கல் மாவட்டத்தில், கடந்த, மூன்று நாட்களாக சில இடங்களில் மிதமான மழை பெய்துள்ளது. இதனால் பகல், இரவு நேர வெப்பநிலை குறைந்துள்ளது.

இன்று முதல் வரும், 7ம் தேதி வரை, ஐந்து நாட்கள் அதிகபட்ச பகல்நேர வெப்ப நிலை, 33 டிகிரி செல்ஷியஸ் முதல், 34 டிகிரி செல்ஷியஸ் வரை இருக்கும். குறைந்தபட்ச இரவு நேர வெப்பநிலை, 25 டிகிரி செல்ஷியஸ் இருக்கும். வானம் மேகமூட்டத்துடன் காணப்படும்.

காற்று மேற்கு, தென் மேற்கு திசையில் இருந்து மணிக்கு, 12 முதல், 14 கி.மீ., வேகத்தில் வீசக்கூடும்.

இன்று, 4 மி.மீ., 4ம் தேதி, 4 மி.மீ., 5ம் தேதி, 4 மி.மீ., 6ம் தேதி, 4 மி.மீ., அளவில் மழை பெய்ய வாய்ப்பு உள்ளது. 7ம் தேதி மழை பெய்ய வாய்ப்பு இல்லை.

இவ்வாறு தெரிவிக்கப்பட்டுள்ளது.