நாமக்கல்: மதுரையில் இருந்து திண்டுக்கல், கரூர், நாமக்கல், சேலம் வழியாக வண்டி எண், 06003/06004, 'வந்தே பாரத்' சிறப்பு எக்ஸ்பிரஸ் ரயில், நாளை, 26 முதல் இயக்கப்படுகிறது. அனைவரின் வேண்டுகோளுக்கிணங்க நாமக்கல்லில் இந்த ரயில் நின்று செல்லும் என அறிவிக்கப்பட்டுள்ளது.

வந்தே பாரத் ரயில் வந்து செல்லும் நேரம் விபரம்: வண்டி எண். 06003 அதிகாலை, 5:15 மணிக்கு மதுரையில் இருந்து கிளம்பும். 5:58க்கு திண்டுக்கல் வந்தடையும், அங்கிருந்த, 6:00 மணிக்கு கிளம்பி, 6:50 மணிக்கு திருச்சி சென்றடையும். திருச்சியில் இருந்து, 6:55 மணிக்கு கிளம்பி, 8:08 மணிக்கு கரூர் சென்றடையும். 8:10 மணிக்கு கரூரில் இருந்து கிளம்பி, 8:32 மணிக்கு நாமக்கல் வந்தடையும். நாமக்கல்லி இருந்து, 8:34 மணிக்கு கிளம்பி, 9:27 மணிக்கு சேலம் சென்றடையும். சேலத்தில் இருந்து, 9:32 மணிக்கு கிளம்பி, 11:00 மணிக்கு ஜோலார்பேட்டை சென்றடையும். அங்கிருந்து, 12:50 மணிக்கு கிருஷ்ணராஜபுரம் சென்றடையும். அங்கிருந்து, 12:52 மணிக்கு கிளம்பி பகல், 1:00 மணிக்கு பெங்களூரு எஸ்எம்விபி ரயில் நிலையம் சென்றடையும்.

வண்டி எண், 06004 வந்தே பாரத் சிறப்பு ரயில் மறு மார்க்கத்தில், பெங்களூரில் இருந்து மதியம், 1:45 மணிக்கு கிளம்பி, 1:55 மணிக்கு கிருஷ்ணராஜபுரம் வந்தடையும். அங்கிருந்து, 1:57 மணிக்கு கிளம்பி மாலை, 3:35 மணிக்கு ஜோலார்பேட்டை சென்றடையும். அங்கிருந்து கிளம்பி மாலை, 4:27 மணிக்கு சேலம் வந்தடையும். அங்கிருந்து, 4:32 மணிக்கு கிளம்பி, 5:33 மணிக்கு நாமக்கல் வந்தடையும், நாமக்கல்லில் இருந்து, 5:35 மணிக்கு கிளம்பி, 5:53க்கு கரூர் சென்றடையும். அங்கிருந்து, 5:55க்கு கிளம்பி, 7:20 மணிக்கு திருச்சி சென்றடையும், அங்கிருந்து, 7:25 மணிக்கு கிளம்பி இரவு, 9:08 மணிக்கு திண்டுக்கல் சென்றடையும். அங்கிருந்து, 9:10 மணிக்கு கிளம்பி, 9:45 மணிக்கு மதுரை ரயில் நிலையம் சென்றடையும். செவ்வாய்க்கிழமை தவிர வாரத்தின் அனைத்து நாட்களிலும் இந்த ரயில் இயங்கும். சோதனை ஓட்டமாக ஜூலை 29ம் தேதி வரை இயக்கப்படும்.