மதுரை: மதுரா கல்லூரி இயற்பியல் துறை சார்பாக பள்ளி மாணவருக்கு கல்வி சேவை நீட்டிப்பு வகுப்பு நடந்தது. குருகுலம் உயர்நிலைப்பள்ளி ஆசிரியர்களின் தலைமையில் மாணவர்கள் கலந்து கொண்டனர்.

பேராசிரியர் கே.நெய்வாசகம் வரவேற்றார். கல்லூரி முதல்வரும் இயற்பியல் துறை தலைவருமான ஜே.சுரேஷ் பயிற்சியின் நோக்கத்தை எடுத்துரைத்தார். முதுகலை மாணவர்கள் இயற்பியல் கொள்கைகளையும் சோதனைகளையும் வீடியோ படமாகவும் செய்முறை பயிற்சியாகவும் செய்து காண்பித்தனர். பேராசிரியர் மீனாட்சி சுந்தரம் நன்றி கூறினார். ஏற்பாடுகளை பேராசிரியர் சிவராமகிருஷ்ணன் உள்ளிட்டோர் செய்திருந்தனர்.