நாய் கடிக்க வந்தா சுட்டுத்தள்ள முடியாதா

கூட்டத்தில் கவுன்சிலர் குமரவேல் பேசுகையில், நாய்கள் தொல்லை அதிகரித்துள்ளது. முந்தைய கூட்டத்தில் தி.மு.க., கவுன்சிலர் பாமா நாய்களை கட்டுப்படுத்துவது தொடர்பாக பேசினார். இந்த ஆடியோவை விலங்குகள் நலஆர்வலரான மேனகா காந்தி கேட்டு, தொலைபேசியில் பாமாவுடன் பேசி மிரட்டியுள்ளார். கவுன்சிலர் பேசிய ஆடியோ எவ்வாறு வெளியே செல்கிறது என கேள்வி எழுப்பினார். n கவுன்சிலர் ஜெயராஜ் பேசுகையில், 'மனிதர்களை புலி கடிக்க வந்தால் அதை துப்பாக்கியால் சுடுகின்றனர். அதுபோல் கடிக்கிற நாயை எதுவும் பண்ணமுடியாதா' என்றார். n துணைமேயர், 'மதுரையில் நாய்களை பிடிக்கவும் கூட 'நார்த் இந்தியன்' தான் வரணுமா என கேள்வி எழுப்பினார். n அ.தி.மு.க., கவுன்சிலர் சண்முகவள்ளி பேசுகையில், 'ஓராண்டாக தொடர்ந்து வார்டில் பாதாளச் சாக்கடை உடைப்பு பிரச்னை குறித்து பேசுகிறேன். நடவடிக்கை இல்லை. இதை கண்டித்து கவுன்சிலர் பதவியை ராஜினாமா செய்துவிடுவேன்' என ஆவேசமானார். n மண்டல தலைவர்கள் பதவியை இழந்த கவுன்சிலர்கள் தொடர்ந்து கூட்டத்தை புறக்கணித்து வருகின்றனர். சொத்துவரி முறைகேட்டில் மேயரின் கணவர் பொன்வசந்த் சிறையில் உள்ளார். ஆனால் மேயர் மீது கட்சி நடவடிக்கை எடுக்கவில்லை எனக் கூறி, தி.மு.க., கவுன்சிலர்கள் பலரும் நேற்று நடந்த கூட்டத்தை புறக்கணித்தனர். இது கட்சிக்குள் புகைச்சலை ஏற்படுத்தியுள்ளது. n 'தயிர் மார்க்கெட் கடைகள் ஒதுக்கீடு செய்வதில் தவறு நடந்தால் மறியலில் ஈடுபடுவேன்' என ம.தி.மு.க., எம்.எல்.ஏ., பூமிநாதன் பேசியது தி.மு.க.,. கூட்டணிக்குள் புகைச்சலை ஏற்படுத்தியது. சில மாதங்களுக்கு முன் நடந்த மாநகராட்சி கூட்டத்தில், 'மாநகராட்சியில் ரோடுகள் சரியாக இல்லை. பாதாளச் சாக்கடை எங்கு பார்த்தாலும் உடைந்து போகிறது. சரிசெய்யவில்லை என்றால் எம்.எல்.ஏ., பதவியை ராஜினாமா செய்வேன்' என்றார். பின்னர் அப்படி சொல்லவில்லை என சமாளித்தார்.