மதுரை : மதுரை மாவட்ட மாற்றுத்திறனாளிகளுக்கு இலவச பஸ் பயண சலுகை வழங்குவதற்கான சிறப்பு முகாம்கள் 3 நாட்கள் நடக்க உள்ளன.

இதற்கான திட்டத்தில் பார்வையற்றோருக்கு, உடல் இயக்க குறைபாடுடையோர், காதுகேளாதோர், வாய்பேசாதோர், மனவளர்ச்சி குன்றியோருக்கு கல்வி, பயிற்சி, பணிபுரிதலுக்காக செல்வோருக்கு, வசிக்கும் இடத்தில் இருந்து, சம்பந்தப்பட்ட நிறுவனத்திற்கு சென்று வர இலவச பஸ்பயண சலுகை வழங்கப்படுகிறது.

இதனைப் பெற தமிழ்நாடு அரசு, மாற்றுத்திறனாளிகள் நல அலுவலகம் சார்பில் சிறப்பு முகாம் நடக்க உள்ளது.

பார்வையற்றோருக்கு ஜூன் 25, 26, 27 ஆகிய நாட்களிலும், மற்றவர்களுக்கு ஜூன் 28 என 4 நாட்கள் முகாம் நடத்தப்பட உள்ளது.

இதில் பங்கேற்கும் ஏற்கனவே இலவச பஸ்பயண அட்டை பெற்ற பார்வையற்றோர், தேசிய அடையாள அட்டை, குடும்ப அட்டை, 6 பாஸ்போர்ட் சைஸ் போட்டோக்கள், பழைய பஸ்பாஸ் அட்டை ஆகியவற்றின் அசல் மற்றும் நகல்களுடனும், மற்றவர்கள் தங்களுக்கான நிறுவனங்களில் இருந்து கல்விக்காக, பயிற்சிக்காக, பணிபுரிவதற்காக என்ற அந்நிறுவனங்களில் பெற்ற சான்றுகளுடன் மேற்கண்ட முகாம்களில் பங்கேற்க வேண்டும் என கலெக்டர் சங்கீதா தெரிவித்துள்ளார்.