/உள்ளூர் செய்திகள்/மதுரை/ திருச்சியை சுற்றிச்செல்லும் ஆரஞ்ச் நிற வந்தே பாரத் ரயில்; பயண நேரம், கட்டணம் அதிகம் திருச்சியை சுற்றிச்செல்லும் ஆரஞ்ச் நிற வந்தே பாரத் ரயில்; பயண நேரம், கட்டணம் அதிகம்
திருச்சியை சுற்றிச்செல்லும் ஆரஞ்ச் நிற வந்தே பாரத் ரயில்; பயண நேரம், கட்டணம் அதிகம்
திருச்சியை சுற்றிச்செல்லும் ஆரஞ்ச் நிற வந்தே பாரத் ரயில்; பயண நேரம், கட்டணம் அதிகம்
திருச்சியை சுற்றிச்செல்லும் ஆரஞ்ச் நிற வந்தே பாரத் ரயில்; பயண நேரம், கட்டணம் அதிகம்
ADDED : ஜூன் 17, 2024 01:05 AM
மதுரை: மதுரை - பெங்களூரு இடையே இயக்கப்படவுள்ள வந்தே பாரத் ரயில் திருச்சியை சுற்றிச் செல்வதால் பயண நேரம், கட்டணம் அதிகம் உள்ளதாக பயணிகள் தெரிவித்தனர்.
மதுரையில் இருந்து பெங்களூருவுக்கு ஆரஞ்ச் வண்ணத்தில் வந்தே பாரத் ரயில் விரைவில் இயக்கப்பட உள்ளது. மதுரையில் அதிகாலை 5:15 மணிக்கு புறப்படும் வந்தேபாரத் ரயில் திருச்சிக்கு காலை 7:15க்கு செல்கிறது.
அங்கிருந்து 7:20 மணிக்கு புறப்பட்டு காலை 9:55 மணிக்கு சேலம் செல்கிறது. அங்கு 10:00 மணிக்கு புறப்பட்டு மதியம் 1:15 மணிக்கு பெங்களூரு எஸ்.எம்.வி., ஸ்டேஷனுக்கு சேருகிறது.
மறுமார்க்கத்தில் பெங்களூரு எஸ்.எம்.வி., ஸ்டேஷனில் மதியம் 1:45 மணிக்கு கிளம்பும் ரயில் இரவு 10:25 மணிக்கு மதுரை வருகிறது. இந்த ரயிலின் சோதனை ஓட்டம் இன்று (ஜூன் 17) அதிகாலை 5:15 மணிக்கு நடக்கிறது.
இந்த வந்தே பாரத் ரயிலுக்கு திண்டுக்கல்லில்நிறுத்தம் இல்லை. மேலும் திருச்சியை சுற்றிச் செல்வதால் துாரம் 145 கி.மீ., அதிகரிக்கிறது. 2 மணி நேரம் பயணமும்,கட்டணமும் அதிகம் உள்ளது.
எனவே திருச்சியில் இருந்து பெங்களூருவுக்கு தனியாக வந்தே பாரத் ரயிலை இயக்கலாம்.
மதுரை-பெங்களூரு வந்தேபாரத் ரயிலை திண்டுக்கல், கரூர் வழியாக இயக்க வேண்டும்.இத்தடத்தில் உள்ள முக்கிய வர்த்தக நகரங்களான திண்டுக்கல், ஓசூரில் வந்தே பாரத் ரயில் நின்று செல்லும் வகையில் நடவடிக்கை எடுக்க வேண்டும் என பயணிகள் வலியுறுத்தியுள்ளனர்.