மதுரை; மத்திய சாலை போக்குவரத்து நெடுஞ்சாலைத் துறையில் மாநில சாலைப் போக்குவரத்து கழகங்களின் கூட்டமைப்பு இயங்கி வருகிறது. இக்கூட்டமைப்பு ஆண்டுதோறும் அனைத்து மாநில போக்குவரத்துக் கழகங்களையும் ஊக்குவிக்கும் வகையில் அவற்றின் செயல்திறனை ஆய்வு செய்து விருது வழங்கி வருகிறது.

அதனடிப்படையில் தமிழகத்தில் உள்ள அரசு போக்குவரத்துக் கழகங்கள் ஆண்டுதோறும் விருது பெற்று வருகின்றன. இந்தாண்டும் 2023 - 24ம் ஆண்டுக்கான தேசிய பொது போக்குவரத்து சிறப்பு விருதுகளில் அரசு போக்குவரத்துக் கழகங்கள் 19 விருதுக்கு தேர்வாகியுள்ளன.

இவற்றில் மதுரை அரசு போக்குவரத்துக் கழகம் மட்டும் சிறந்த செயல்பாடுகளுக்காக 4 விருதுகளுக்கு தேர்வு செய்யப்பட்டுள்ளது. இவ்விருதுகளை டில்லி விழாவில் புதுச்சேரி முன்னாள் கவர்னர் கிரண்பேடி வழங்கினார். மொத்த விருதுகளில் 25 தமிழ்நாடு அரசு போக்குவரத்துக் கழகங்களுக்கே கிடைத்துள்ளன.

பஸ்களின் டயர், எரிபொருள் செயல் திறன், வாகன பயன்பாடு அடிப்படையில் இவ்விருதுகள் வழங்கப்பட்டுள்ளன என்று மேலாண்மை இயக்குனர் சிங்காரவேலு தெரிவித்தார்.