ஓசூர்;ஓசூர் மாநகராட்சி, 31வது வார்டுக்கு உட்பட்ட பழைய டெம்பிள் ஹட்கோ பகுதியில், ஓசூர் எம்.எல்.ஏ., தொகுதி மேம்பாட்டு நிதியிலிருந்து, 9 லட்சம் ரூபாய் மதிப்பில், பல்நோக்கு மைய கட்டடம் கட்டப்பட்டுள்ளது.

இதை, ஓசூர், தி.மு.க., - எம்.எல்.ஏ., பிரகாஷ், மாநகர மேயர் சத்யா ஆகியோர் திறந்து வைத்து, பொதுமக்களுக்கு ரேஷன் பொருட்களை வழங்கினர்.தி.மு.க., மேற்கு மாவட்ட அவைத்தலைவர் யுவராஜ், பொருளாளர் சுகுமாரன், பகுதி செயலாளர் ராமு, மாவட்ட இலக்கிய அணி அமைப்பாளர் சக்திவேல், கவுன்சிலர் மோசின்தாஜ் நிஷார் உட்பட பலர் பங்கேற்றனர்.