ஊத்தங்கரை, ஊத்தங்கரை அருகே, சின்னகுன்னத்துாரை சேர்ந்தவர் நந்தகோபால், 42. நேற்று முன்தினம் காலை, ஊத்தங்கரை அரசு மருத்துவமனை முன், நிறுத்தியிருந்த அவரது ஹோண்டா சைன் பைக் மாயமானது. அருகிலுள்ள கடையின், 'சிசிடிவி' கேமரா காட்சிகள் வைரலானது. இதில், மர்ம நபர் ஒருவர் நந்தகோபாலின் பைக்கை திருடி செல்லும் காட்சி பதிவாகி இருந்தது. இது குறித்து நந்தகோபால், ஊத்தங்கரை போலீசில் புகார் அளித்தார். அதன் படி போலீசார் விசாரிக்கின்றனர்.

ஊத்தங்கரையில் கடந்த, 4 ஆண்டுகளுக்கு முன்பு, 10 லட்சத்திற்கு மேல் செலவு செய்து, 60க்கும் மேற்பட்ட, 'சிசிடிவி' கேமராக்கள் பொருத்தப்பட்டன. அவை போலீசார் பராமரிப்பின்றி பழுதடைந்துள்ளன. இதனால், பைக்கை திருடிச்சென்ற மர்ம நபர் குறித்த விபரங்களை சேகரிக்க முடியாமல், போலீசார் திணறி வருகின்றனர்.