பாகலுார்:உத்தரபிரதேச மாநிலத்தை சேர்ந்தவர் ரகுபார், 55. கிருஷ்ணகிரி மாவட்டம், ஓசூர் அடுத்த பாகலுார் அருகே தாளப்பள்ளியில் தங்கி, கூலி வேலை செய்து வந்தார். கடந்த மாதம், 20ம் தேதி இரவு, 8:30 மணிக்கு வீட்டில் சேரில் இருந்து கீழே தவறி விழுந்து தலையில் காயமடைந்தார்.

ஓசூர் அரசு மருத்துவமனையில் அனுமதிக்கப்பட்டு, மேல்சிகிச்சைக்காக தர்மபுரி அரசு மருத்துவக்கல்லுாரி மருத்துவமனையில் அனுமதிக்கப்பட்ட ரகுபார், நேற்று முன்தினம் அதிகாலை உயிரிழந்தார். பாகலுார் போலீசார் விசாரிக்கின்றனர்.