ஓசூர் : ஓசூரில், ஹார்டுவேர் கடையில் ஏற்பட்ட தீ விபத்தில், 3 லட்சம் ரூபாய் மதிப்புள்ள பொருட்கள் எரிந்து நாசமானது.

கிருஷ்ணகிரி மாவட்டம், பேரிகை அருகே அத்திமுகத்தை சேர்ந்-தவர் அஸ்லாம் பாஷா, 36. ஓசூர் தாலுகா அலுவலக சாலையில் கயிறு, இரும்பு பொருட்கள் மற்றும் கொத்தனார், தோட்ட வேலைக்கு தேவையான பொருட்களை விற்பனை செய்யும் ஹார்-டுவேர் கடை நடத்தி வருகிறார்; கடையின் முதல் தளத்தில் குடோன் வைத்துள்ளார். அதில் பொருட்களை இருப்பு வைத்தி-ருந்தார். நேற்று காலை வழக்கம்போல் கடையை திறந்து வியா-பாரம் செய்து வந்தார்.

மாலை, 4:30 மணிக்கு குடோனில் இருந்து கரும்புகை வெளியேறியது.இதை கவனித்த அஸ்லாம் பாஷா, ஓசூர் தீயணைப்புத்துறைக்கு தகவல் தெரிவித்தார். தீயணைப்புத்துறையினர் நீண்ட நேரம் போராடி தீயை அணைத்தனர். பொதுமக்கள் அப்பகுதியில் திரண்-டதால், எப்போதும் பரபரப்பாக காணப்படும் தாலுகா அலுவலக சாலையில் போக்கு வரத்து பாதிப்பு ஏற்பட்டது. இந்த தீ விபத்தில், 3 லட்சம் ரூபாய் மதிப்புள்ள பொருட்கள் எரிந்து நாச-மானது. மின்கசிவு காரணமாக தீ விபத்து ஏற்பட்டிருக்கலாம் என, போலீசார் தரப்பில் கூறப்படுகிறது.

ஓசூர் டவுன் போலீசார் தொடர்ந்து விசாரிக்கின்றனர்.