கரூர்: சின்னதாராபுரம், அரசு மகளிர் ஆசிரியர் பயிற்சி நிறுவனத்தில் சேர, விரும்புபவர்கள் ஜூன், 6 க்குள் விண்ணப்பிக்க வேண்டும் என, பயிற்சி நிறுவன முதல்வர் ஜெய்சங்கர் தெரிவித்துள்ளார்.

இதுகுறித்து, அவர் வெளியிட்ட அறிக்கையில் கூறியிருப்பதாவது:தமிழ்நாடு கல்வியியல் ஆராய்ச்சி மற்றும் பயிற்சி நிறுவனம், கரூர் மாயனுார் ஆசிரியர் கல்வி மற்றும் பயிற்சி நிறுவனத்தின் கீழ், சின்னதாராபுரம் அரசு மகளிர் பயிற்சி நிறுவனம் செயல்படுகிறது.

இந்த நிறுவனத்தில், 2025-26ம் ஆண்டில் முதலாம் ஆண்டு மாணவியர் சேர்க்கை கடந்த, 26 முதல் தொடங்கி நடந்து வருகிறது. அதில், சேர விரும்பும் மாணவியர் வரும் ஜூன், 6க்குள் விண்ணப்பிக்க வேண்டும். http//scert.tnschools.gov என்ற இணையதளத்திலும், நேரடியாகவும் விண்ணப்பிக்கலாம்.

பொதுப்பிரிவை சேர்ந்தவர்கள், 500 ரூபாயும், எஸ்.சி., எஸ்.டி., பிரிவு மாணவியர், 250 ரூபாயும் விண்ணப்ப கட்டணமாக செலுத்த வேண்டும். மேலும், விபரங்களுக்கு பயிற்சி நிறுவனத்தை, 97892-90855 என்ற மொபைல் எண்ணை தொடர்பு கொள்ளலாம்.

இவ்வாறு, செய்திக்

குறிப்பில் கூறப்பட்டுள்ளது.