கரூர், புகழூர், டி.என்.பி.எல்., நிறுவனம் நடத்தும் மருத்துவ முகாமில், 3,914 பேருக்கு சிகிச்சை அளிக்கப்பட்டுள்ளது.

புகழூர், தமிழ்நாடு செய்தித்தாள் காகித நிறுவனத்தின், சமுதாய நலப்பணி திட்டத்தின் கீழ், நடமாடும் மருத்துவ முகாம் நடத்தப்படுகிறது. காகித ஆலையை சுற்றியுள்ள கிராமங்களில் மருத்துவ முகாம்கள் நடக்கிறது. 50-வது கிராமமான பொன்னியாக்கவுண்டன்புதுாரில், மருத்துவ முகாமானது நிறைவு பெற்றது. இங்கு, 931 பொதுமக்களுக்கு மருத்துவ ஆலோசனைகளும், தேவைப்பட்டோருக்கு மருந்து, மாத்திரைகள் இலவசமாக வழங்கப்பட்டன. இதுவரை, 3,914 பேருக்கு சிகிச்சை அளிக்கப்பட்டுள்ளது.