கரூர்: கரூர் அருகே, சாலையில் கொட்டப்படும் குப்பைக்கு தீயிட்டு கொளுத்துவதால், பள்ளி மாணவ, மாணவியர் அவதிக்குள்ளா-கின்றனர்.

கரூர்-கோவை சாலை, சின்ன ஆண்டாங்கோவில் பகுதியில், அரசு துவக்கப்பள்ளி மற்றும் உயர்நிலைப்பள்ளிகள் செயல்பட்டு வருகின்றன. இதில், 300க்கும் மேற்பட்ட மாணவ, மாணவியர் படித்து வருகின்றனர். கோவை சாலையில் வர்த்தக நிறுவ-னங்கள், ஓட்டல்கள், டீ கடைகள் அதிகளவில் செயல்பட்டு வரு-கிறது. இதில் சேரும் குப்பைகள் அரசு பள்ளிகளுக்கு அருகே கொட்டப்படுகிறது. ஆனால், குப்பைகளை பஞ்., நிர்வாகம் சரி-வர அள்ளாததால், அப்பகுதியில் உள்ள சிலர், குப்பைகளுக்கு தீ வைத்து விடுகின்றனர். இதனால், குப்பையில் இருந்து எழும் புகை, அருகில் உள்ள பள்ளிகளுக்கு செல்கிறது.அப்போது, வகுப்பறையில் உள்ள பள்ளி மாணவ, மாணவியர்க-ளுக்கு இருமல் உள்ளிட்ட உடல் உபாதைகள் ஏற்படுகிறது. இது-குறித்து பலமுறை சில ஆசிரியர்கள், புகார் தெரிவித்தும் பஞ்சா-யத்து ஊழியர்கள் கண்டுகொள்ளவில்லை.

எனவே, கரூர்-கோவை சாலையில் சின்ன ஆண்டாங்கோவில் பகுதியில், அரசு பள்ளிகளுக்கு அருகே கொட்டப்படும் குப்பை-களை, உடனடியாக அள்ளி அப்புறப்படுத்த, ஆண்டாங்கோவில் கிழக்கு பஞ்சாயத்து நிர்வாகம் நடவடிக்கை எடுக்க வேண்டியது

அவசியம்.