கிருஷ்ணராயபுரம் கிருஷ்ணராயபுரம் ஒன்றியத்திற்கு உட்பட்ட வயலுார், சரவணபுரம், குழந்தைப்பட்டி, கோடங்கிப்பட்டி, நடுப்பட்டி, தேவசிங்கப்பட்டி, திருமேனியூர், பாப்பகாப்பட்டி, சிவாயம், வேப்பங்குடி, மேட்டுப்பட்டி, லாலாப்பேட்டை, மகாதானபுரம், புனவாசிப்பட்டி, வரகூர், மலையாண்டிப்பட்டி, பஞ்சப்பட்டி, பழையஜெயங்கொண்டம், லட்சுமணம்பட்டி உள்ளிட்ட பகுதிகளில், நேற்று மாலை, 5:00 மணிக்கு மழை வெளுத்து வாங்கியது.

இரவு வரை மழை பெய்ததால், சாலையில் வெள்ளம் பெருக்கெடுத்து ஓடியது. மழையால் மானாவாரி நிலத்தில் சாகுபடி செய்யப்பட்டுள்ள வாழை, வெற்றிலை, மரவள்ளிக்கிழங்கு பயிர்களுக்கு தண்ணீர் கிடைத்துள்ளதால் விவசாயிகள் மகிழ்ச்சியடைந்தனர்.