கரூர் :கரூரில் இருந்து, மூக்கணாங்குறிச்சி செல்லும் சாலையில், வாகன ஓட்டிகள் நலன் கருதி கூடுதலாக வேகத்தடை அமைக்க வேண்டும்.

கரூரில் இருந்து வெள்ளியணை செல்லும் சாலையில், வெங்ககல்பட்டி மேம்பாலம் இறக்கத்தில் இருந்து, இடதுபுறம் மூக்கணாங்குறிச்சி உள்பட பல்வேறு கிராம பகுதிகளுக்கு செல்லும் சாலை உள்ளது.

குறுகிய சாலையில், தினமும் நுாற்றுக்கணக்கான வாகனங்கள் சென்று வருகின்றன. சாலையில் அதிகளவு வளைவு பகுதிகள் உள்ளதால், வேகத்தடை அமைக்காத காரணத்தால் விபத்துகள் ஏற்பட அதிக வாய்ப்பு உள்ளது. எனவே, வளைவு பாதைகளில் வேகத்தடை அமைக்க வேண்டும் என, வாகன ஓட்டுனர்கள் எதிர்பார்க்கின்றனர்.