கரூர்கரூர் மாவட்ட வேலாயுதம்பாளையம் அருகில் திருக்காடுதுறை நவலடி நகர் சேர்ந்தவர் இந்திராணி, 57.

இவர், நேற்று முன்தினம் காலை, 11:15 மணிக்கு வீட்டு வாசலில் நின்று கொண்டிருந்தார். அப்போது, மோட்டார் சைக்கிளில் வந்த இரு மர்ம நபர்கள், இந்திராணி கழுத்தில் அணிந்திருந்த, 3 பவுன் செயினை பறித்துக் கொண்டு வேகமாக சென்றனர். அவரது, அலறல் சத்தம் கேட்டு அக்கம் பக்கத்தினர் ஓடி வந்தனர். அதற்குள், செயின் பறித்த ஆசாமிகள் தப்பிச் சென்றனர். வேலாயுதம்பாளையம் போலீசார் வழக்கு பதிந்து, மர்ம நபர்களை தேடி வருகின்றனர்.