கரூர் : கரூர், க.பரமத்தி ஒன்றிய பகுதிகளில் ஆயிரக்கணக்கான ஏக்கரில் தேங்காய் சாகுபடி நடக்கிறது. இங்கு தேங்காய்களை உடைத்து, காய வைத்து தங்களது தேவைக்கு எண்ணெய் எடுத்தது போக மீதமுள்ள பருப்பு, தேங்காய்களை, நொய்யல் அருகில் உள்ள சாலைபுதுார் ஒழுங்குமுறை விற்பனை கூடத்தில் திங்கள்தோறும் நடக்கும் ஏலத்துக்கு விவசாயிகள் கொண்டு வருகின்றனர்.

நேற்றைய ஏலத்துக்கு சுற்றுவட்டார பகுதிகளை சேர்ந்த விவசா-யிகள், 12,921 தேங்காய்களை விற்பனைக்கு கொண்டுவந்தனர். கிலோ குறைந்தபட்ச விலையாக, 22.85 ரூபாய். அதிகபட்சமாக, 28.69 ரூபாய், சராசரியாக, 25.89 ரூபாய்க்கு ஏலம் போனது. மொத்தம், 5,449 கிலோ எடையுள்ள தேங்காய்கள் ஒரு லட்சத்து, 33 ஆயிரத்து, 112 ரூபாய்க்கு விற்பனையானது. கொப்பரை தேங்காய் முதல்தரம் கிலோ குறைந்தபட்ச விலை, 89.69 ரூபாய், அதிகபட்சம், 92.66 ரூபாய், சராசரி, 91.99 ரூபாய், இரண்டாம் தரம் குறைந்தபட்ச விலை, 66.89 ரூபாய், அதிகபட்சம், 90.69 ரூபாய், சராசரி, 81.89 ரூபாய்க்கு ஏலம் போனது. மொத்தமாக, 30,081 கிலோ எடையுள்ள கொப்பரை தேங்காய், 25 லட்சத்து, 81 ஆயிரத்து, 650 ரூபாய்க்கு விற்பனையானது. கடந்த வாரத்தை விட கொப்பரை தேங்காய் விலை, 2 ரூபாய் குறைந்தது.