எஸ்கலேட்டர் இயங்காததால் அவதி

கிளாம்பாக்கம் பேருந்து நிலையத்திற்கு வருவோர், மாநகர பேருந்து நிறுத்தத்தில் இறங்கி, அங்கிருந்து எஸ்கலேட்டர் வாயிலாக சுரங்கப்பாதை வழியாக வெளியே செல்கின்றனர். நேற்று, திடீரென ஏற்பட்ட பழுது காரணமாக எஸ்கலேட்டர் செயல்படவில்லை. இதனால், குழந்தைகள் மற்றும் முதியோர் மிகுந்த சிரமம் அடைந்தனர்.பயணியர் கூறியதாவது:மாநகர பேருந்து நிலையத்தில் இருந்து வெளியூர்களுக்கு செல்லும் பேருந்து நிலையத்திற்கு நேரடியாக செல்லும் வகையில், அங்குள்ள சுற்றுச்சுவரை அகற்றி, அதில் பயணியர் செல்வதற்கு வழிவகை செய்தால் பயனுள்ளதாக இருக்கும்.இவ்வாறு அவர்கள் கூறினர்.