அய்யங்கார்குளம்:அய்யங்கார்குளம் கிராமத்தில் உள்ள பொன்னியம்மனுக்கு, நாளை, ஆடி திருவிழா நடக்கிறது.

காஞ்சிபுரம் அடுத்த அய்யங்கார்குளம் கிராமத்தில் உள்ள கிராம தேவதைகளான கொளக்கியம்மன், பொன்னியம்மன் கோவில்களில் ஆடி திருவிழா, நாளை, நடக்கிறது.

விழாவையொட்டி, காலை 10:00 மணிக்கு இரு கிராம தேவதைகளுக்கும் சிறப்பு அபிஷேக அலங்காரம் நடக்கிறது.

பிற்பகல் 12:00 மணிக்கு பொன்னியம்மன் அன்னதான குழுவினரால், சுந்தர விநாயகர் கோவில் அருகில் பக்தர்களுக்கு அன்னபிரசாதம் வழங்கப்பட உள்ளது.

மாலையில், பொன்னியம்மன் சிறப்பு அலங்காரத்தில் எழுந்தருளி வீதியுலா வர உள்ளார்.