ஸ்ரீபெரும்புதுார்:ஸ்ரீபெரும்புதுாரில், ராஜிவ் காந்தி தேசிய இளைஞர் மேம்பாடு மையம் இயங்கி வருகிறது.

நேற்று முன்தினம், மதிய உணவு சாப்பிட்டு வகுப்பறைக்கு வந்த 45க்கும் மேற்பட்ட மாணவ - மாணவியருக்கு திடீரென வாந்தி, வயிற்றுப்போக்கு ஏற்பட்டது.

இதையடுத்து, கல்லுாரியில் நேற்று மருத்துவ முகாம் அமைக்கப்பட்டு, மாணவர்களை மருத்துவர்கள் பரிசோதனை செய்தனர். மாவட்ட சுகாதார அலுவலர் செந்தில்குமார் கல்லுாரி முழுதும் ஆய்வு மேற்கொண்டார்.

சுகாதார துறை அதிகாரி ஒருவர் கூறியதாவது:

பாதிப்படைந்த 40 மாணவர்கள் பூரண குணமடைந்து கல்லுாரி திரும்பினர். கல்லுாரி மாணவர்கள் குடிக்கும் குடிநீரில் பிளீச்சிங் பவுடர் கலந்து, வினியோகம் செய்யப்படுகிறது.

மூன்று குடிநீர் மாதிரி மற்றும் மல மாதிரி சேகரிக்கப்பட்டு, ஆய்விற்கு அனுப்பப்பட்டுள்ளது.

இவ்வாறு அவர் கூறினார்.