காஞ்சிபுரம்:காஞ்சிபுரம் மின் பகிர்மான வட்டத்தில், காஞ்சிபுரம் வடக்கு, காஞ்சிபுரம் தெற்கு, திருவள்ளூர், திருத்தணி ஆகிய மின் கோட்டங்கள் செயல்படுகின்றன.

ஒவ்வொரு வியாழக்கிழமை தோறும், ஒரு கோட்டத்தில் மின் நுகர்வோர் கூட்டம் நடைபெறும்.

மாதத்தின் மூன்றாவது வியாழக்கிழமை, காஞ்சிபுரம் வடக்கு கோட்ட மின் நுகர்வோர் கூட்டம் நடைபெற உள்ளது.

காஞ்சிபுரம் ரயில்வே சாலையில் உள்ள மின்வாரிய செயற்பொறியாளர் அலுவலகத்தில், நாளை, காலை 11:00 மணிக்கு நடைபெறும் கூட்டத்தில், மின்நுகர்வோர் பங்கேற்று தங்களின் குறைகளை தெரிவிக்கலாம் என, காஞ்சிபுரம் மின்பகிர்மான வட்டார நிர்வாகம் தெரிவித்து உள்ளது.