ரிஷிவந்தியம்: பகண்டை கூட்ரோடு அருகே குட்கா பொருட்களை விற்பனைக்கு கொண்டு சென்ற மளிகைக் கடை உரிமையாளரை போலீசார் கைது செய்தனர்.

பகண்டை கூட்ரோடு சப் இன்ஸ்பெக்டர் சூரியா மற்றும் போலீசார் அத்தியூர் - ஜம்பை சாலையில் ரோந்துப் பணியில் ஈடுபட்டனர். அப்போது பெரியகொள்ளியூர் பெட்ரோல் பங்க் அருகே மொபட்டில் வந்த நபரை நிறுத்தி விசாரித்தனர்.

அதில் அவர், சங்கராபுரத்தைச் சேர்ந்த பழனி, 55; என்பதும், தனது மளிகைக் கடையில் விற்பனை செய்வதற்காக குட்கா கொண்டு சென்றதும் தெரியவந்தது.

உடன், பழனியை கைது செய்து, அவரிடமிருந்து 15 கிலோ குட்கா பொருட்களை பறிமுதல் செய்தனர்.