கள்ளக்குறிச்சி : கள்ளக்குறிச்சியில் வரும் 26ம் தேதி கலெக்டர் தலைமையில் விவசாயிகள் குறைகேட்புக் கூட்டம் நடக்கிறது.

கலெக்டர் அலுவலக செய்திக்குறிப்பு:

விவசாயிகள் குறைகேட்புக் கூட்டம் கலெக்டர் அலுவலக கூட்டரங்கில் வரும் 26ம் தேதி காலை 11:00 மணியளவில் துவங்குகிறது. கலெக்டர் பிரசாந்த் தலைமையில் நடக்கும் இக்கூட்டத்தில், மாவட்ட வேளாண்மை உழவர் நலத்துறை மற்றும் தோட்டக்கலைத் துறை, வேளாண் விற்பனை மற்றும் வேளாண் வணிகம், வேளாண்மை பொறியியல் துறை, கால்நடை பராமரிப்பு, கூட்டுறவு, வருவாய், ஊரக வளர்ச்சி மற்றும் உள்ளாட்சித் துறை, வங்கியாளர்கள் மற்றும் பிற சார்புத்துறை அலுவலர்கள் பங்கேற்க உள்ளனர்.

விவசாயிகளின் குறைகள் கோரிக்கைகளுக்கு பதிலளிக்க உள்ளனர்.

விவசாயிகள் மற்றும் விவசாய சங்க பிரதிநிதிகள் பங்கேற்று பயன்பெறுமாறு கேட்டுக் கொள்ளப்படுகிறார்கள்.

இவ்வாறு செய்திக்குறிப்பில் கூறப்பட்டுள்ளது.